Bak ajak jalan Soghom ... ban ...
Bak Batu yo Kikir jombatan bosi
Ngulai yo udang satu bolango ... aiii ...
Kato yo ombong den
Nak ayo kato kan ghaso yo la sogan
Cubo yo la pikir yo la pikir di dalam ngati aiii ...
Ayo nyola bujang sudah lah lamo, aiii ....
Ai ko Melang monyisik pandan
Anak yo la pacek di dalam buloh
Salai yo lomang tidak boghapi ... aii ...
Botanyo yo lah pulak nguwan den
Apo yo la malang nasib nyo bodan
Apo lah cacek ai si batang tubuh aiii ...
Macam ni yo kacak tak ado bini ... aiii ...
Apo ngumpan anak bocek
Anak cacing la golang-golang
Macam mano gayo nak manjek
Kocik kocik yo bolom godang
Kael pendek tali eyy panjang
Poi momancing di waktu siang
Anak bocek umor eyy panjang
Dapek yo laghi colah monsiang ...
Alah bocek ...
Mano yo la kau nak poie tu bocek ...
Ni omak datang abah datang
Bawak nyo la kona pisang
Makan yolah pisang yo la bocek aiii ...
Pisang nangko kogheh bona
Pisang yo ngombun yo bosa bona
Pisang tanduk ngulit eyy toba
Pisang nyo ghajo kulit eyy kogheh
Pisang ngomeh kocik bona
Pisang yo kaghok bijik eyy banyak
Pisang kapeh masak eyy memek
Pisang nyo ngawak malu nyobut eyy ...
Ala bocek ...
Apo yolah suko bona kau tu bocek ...
Sanun sini moloncek-loncek
Pandai la kau monjago dighi la bocek ... aii ..
Ompang Bangkung ngaey eyy bosa
Tompek nyo oghang poie mongoca
Ompang Batu tobing eyy tinggi
Pandai la kau bocek mombawo dighi
Ko ngulu air eyy cetek
Ko nggilir air eyy dogheh
Ko tongah jalo bomain
Ko topi tangguk bomain ...
Ala bocek ...
Tingga yo la kau bocek ...
Ni omak nak pulang abah nak pulang
Pandailah kau monjago dighi la bocek ....aii ...
Tangtibau bughung sebaghau
Poi mongondap anak soluang
Bonghalih la kau panau
Yo nan ko dopan dan ko bolakang
Baghu la bocek ngondak pulang
Ala bocak ....
